بِيرَق   ايل   دِ  هَرموُشي / دوُ دير ديارهَ 

دِ گَپوُ  وِمْ  رَسيهَ  /   سيمْ   يادگارهَ

بِيرَقدارِمْ   نظام خان  /  دوُ  تَختِ تيروُ 

دوُ   سِنهَ  سيصد وُ سي/رَتهَ وِ ديووُ

يهَ بِيرَق   وارِث  سَكوَند  / كُهَن   ديارِمْ 

يهَ  نِشوُنهَ  دوُدِموُ / ايل   وُ   تِبارِمْ

مهِ چنوُ   دوُسِش   دارِمْ/  بيشتر دِ جوُنمْ

حَمايَتِش   مي كِنمْ/  هِي چي  كَسوُنمْ

تا اَبد   دِلمْ    مِيها   / باد   بِيهَ     شَكِش 

خُدا   اوُ   روُزِ   نيارهَ/  ايل بَكهَ تَركِش

هَميشهَ    جووُ   بايهَ   /   ايل هَمْ جووُنهَ 

سي­ جَشنيابيارمِش­وِدَر/بوُرمِش وِحوُنهَ

زير    سايهَ     پَروَردِگار/    خالقِ   يَكتا 

بِيرَقنِ    وِرازنيمهَ  /  سي   ايل ديار با

هَرموُشي مالگهَ قديمْ/ ايل بِيرَق داشتهَ 

چَن وَختي تا كِردهَ بي/ مَني وِرداشتهَ

فريدوُ    پِژوُهِشگَر /       سَررشتهَ   دارِمْ

بِيرَقنِ موُندِگار كِرد/   سي مين ديارِمْ

نوُمهِ   ايل   چي   آسارهَ/   دوُ  آسِموُنهَ

فريدوُنمْ    كَدخُدا    /     شيري زِبوُنهَ 

بَنويسمْ چَن  شعري /دوُ گَپ  گَپوُنمْ  

اِ خُدا مهِ هيچ  وَختي/ بي خان نَموُنمْ

ديوُ خوُنكَه مَحسين/  وير وِ  نِسارهَ 

جَمع وُجاغ سي خين صُلح/هَمَش بِرارهَ

اِ شاعر بيا بَنويس/ دوُ خان   خانيا 

دِ  نظام   دِ   مَحسين  /     دلير    پيايا 

بَميرِمْ سي مَحسين / مِدال وِ شوُنِش 

قضاوَت وِ حَق  مي كرِد/ دوُ ديوُخوُنِش

نوشتمْ  دِ  مَحسين / گوُتمْ    حَقيقَت 

چي شاهي زنيي مي كرِد/دوِ دِلْ طبيعت

نظام خان چي سُلطاني/نوُمِش ديارهَ 

هَمْ قاضي  هَمْ  كُد خُدا  /  هَمْ مَردِمْ دارهَ

نظام خان وي آسوُني/كه پير نِموُوهَ 

وِ   خُدا   هَر آهني /   شمشير    نِموُوهَ

با مِرامهَ نظام خان /  سُفرهَ وِ سينهَ 

هَمْ   سوُار هَمْ تفَنگچي/  سَنگَر   نِشينهَ

غيرَتي قانوُن  مِدار  / چي اووِ رِوُنهَ 

دَس  تفَنگِش  مَعروُفهَ /   دوُ  سَكوَنوُنهَ

رحيم خوُ دوُآهوُ دَشت /اوُمانهَ دياري 

جَنگ  تفَنگي  كِردِنهَ   /  سي   يادگاري 

نظام خان چي تَش بِريق/دوُ آسِموُنهَ 

اَجدِادِش سِلحَشوُرهَ /    دَس   وِ  كَموُنهَ

زينِ روُس  لَغوُم  طلا  / اَسب قَجِريهَ 

دِ    پاتَخت   مِدال  گِرِت/   تا    ناصريهَ

مَجلِسِت  مين ديوُخوُ /   لُروُ خوُانين 

مِياوِردي توُ وِ رِكاوُ / وا  خَرجِ سَنگين

قَجِريهَ   زين  كِردهَ /   درَ  ديوُخوُنِت 

اَلحَق كه خاني  كِردِي/سي ايل جوُونِت

فريدوُ   عشق ايل  داري /مَنهَ دِ خينِت 

سي  سَكوَند داير كِردِي/ بِيرَق رَنگينِت

اِفتخار وِت  مي كِنمْ / توُ خان جووُنمْ 

راهَ وُ رَسمْ   بِيرَق داري / دِيهَ   نِشوُنمْ

 صادق خان ديپلماسي/ سَردارِ جَنگمْ

كارگُشا  دِلسوُزِ ايل  / سي روُزِ   تَنگمْ